TV APOLLON

bejme ate qe dime, dhe dime ate qe bejme

OBSH paralajmëron Europën: Në fillim të 2021-shit do të keni një valë të tretë

ZYRIH- Organizata Botërore e Shëndetësisë parashikon një valë të tretë të pandemisë COVID19 në Evropë në fillim të vitit 2021, nëse qeveritë dështojnë për të parandaluar valën e dytë të infeksionit. I dërguari i OBSH, David Nabarro, në një intervistë për gazetat zvicerane tha se qeveritë duhet të kishin marrë masat. “Ata (qeveritë), humbën ndërtimin e infrastrukturës së nevojshme gjatë muajve të verës, pasi vunë valën e parë nën kontroll. Tani kemi valën e dytë. Nëse ata nuk ndërtojnë infrastrukturën e nevojshme, ne do të kemi një valë të tretë në fillim të vitit të ardhshëm, ”tha Nabarro, i cili garoi në vitin 2017 për tu bërë drejtor i OBSH, por pa sukses. 

Evropa ishte në qetësi për pak kohë pasi kurba e infektimeve u ulë, por tani po rritet sërish. Gjermani dhe Franca të shtunën panë një rritje rekord me 33 mijë raste, ndërsa Zvicra dhe Austria kanë mijëra të infektuar çdo ditë, Nabarro veçoi veprimin e Zvicrës për të lejuar skitë me maska, se do të sjellin një nivel të lartë sëmundjesh dhe vdekjesh. “Sapo numrat e infeksionit të fundosen, dhe ato do të fundosen, atëherë ne mund të jemi aq të lirë sa të duam”, tha Nabarro.

“Por tani? A duhet të hapen vendpushimet e skive? Në cilat kushte?”-vijoi më tej zyrtari i OBSH. 

Nabarro përgëzoi përgjigjen e vendeve aziatike si Koreja e Jugut, ku infeksionet tani janë relativisht të ulëta: “Njerëzit janë plotësisht të angazhuar, ata marrin sjellje që e bëjnë të vështirë për virusin. Ata mbajnë distancën, mbajnë maska, izolohen kur janë të sëmurë, lajnë duart dhe sipërfaqet. Ata mbrojnë grupet më të rrezikuara ”, shtoi ai. Reagimi i Evropës ishte i jo i plotë”.

Leave a Reply

Your email address will not be published. Required fields are marked *