Mot i keq në horizont, ISHP i bën apel qytetarëve: Karikoni celularët dhe mos kaloni me mjetet tuaja në vende të dyshimta

Duke iu referuar përkeqësimit të motit dhe nisjes së reshjeve të vazhdueshme, Instituti i Shëndetit Publik ka këshilluar qytetarët për marrjen e masave gjatë kësaj periudhe. Në njoftimin e ISHP-së u bëhet thirrje të gjithë shtetasve që të shmangin në maksimum lëvizjet me mjetet motorike, si dhe të kontrollojnë gjendjen teknike të tyre përpara se të nisin lëvizjen. Gjithashtu qytetarëve u kërkohet që të mos kalojnë në vende të dyshimta me pellgje uji apo prurje të mëdha me rrezik rrëshqitjeje nga dheu.

Reagimi i plotë: Reshjet e dendura shtojnë mundësinë për aksidente rrezikojnë jetën tuaj. Në këto kushte: Shmangni në maksimum lëvizjet me mjete motorike.

Informohuni në vazhdimësi për vendin ku do të lëvizni, motin, reshjet dhe temperaturat. Kontrolloni gjendjen teknike të mjetit, karburantin, paketën e ndihmës së parë, pajisjet ndriçuese, gomat. Siguroni veshje të përshtatshme për udhëtimin. Tregoni kujdes për shpejtësinë gjatë lëvizjes me makina.

Vendosni fëmijët në sedilen e posaçme dhe të lidhur me rrip sigurie. Siguroni që aparatet e celularit të jenë të karikuara. Mos kaloni me mjetin tuaj në vende të dyshimta, me pellgje uji, prurje të mëdha apo me rrezik të lartë rrëshqitje nga dëbora dhe akulli.

Leave a Reply

Your email address will not be published. Required fields are marked *