Lezhë, ekzekutohet në makinë efektivi i FNSH-së, Xhulio Prela, automjeti del nga rruga

Lezhe, ekzekutohet me arme zjarri një efektiv policie i FNSH, mëngjesin e sotëm gjatë kohës që ishte në ecje me makinë. Viktima Xhulio Prela, 26 vjeç, është gjetur i vrarë brenda makinës rreth ores 3 të mëngjesit në zonën e Gajushit.

Efektivi i policise ka qene duke levizur me automjetin e tij ne superstraden Lezhe-Milot, kur eshte qelluar me arme. Automjeti ka dale nga rruga dhe përfunduar ne nje parcele anash rrugës. 

Prela është me origjine nga Puka, dhe ka punuar dy vite ne Komisariatin e Policisë Lezhe.

Lezhë/Informacion paraprak

Më datë 05.12.2020, rreth orës 02:20, në Sallën Operative të DVP Lezhë ka ardhur një telefonatë se në aksin rrugor Milot-Lezhë, në Gajush, një automjet ka humb kontrollin dhe ka dalë nga rruga.

Menjëherë kanë shkuar shërbimet e Policisë ku kanë konstatuar në mjetin tip “Volkëagen” shtetasin Xh.P., 26 vjeç, punonjës Policie i FNSH Shkodër, i cili kishte humbur jetën.

Nga veprimet paraprake dyshohet ka humbur jetën nga përdorimi i armës së zjarrit.

Për zbardhjen e ngjarjes është ngritur një grup i pocaçëm hetimor me ekspertët më të mirë të Policisë Kriminale nga Departamenti i Policisë Kriminale dhe të DVP Lezhë, nën drejtimin e Prokurorisë ku vijon intensivisht puna për sqarimin e rrethanave të ngjarjes, me qëllim identifikimin dhe kapjen e autorëve.

Shërbimet e Drejtorisë Vendore të Policisë Lezhë, mbështetur nga FNSH Shkodër dhe forcat speciale RENEA, kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.

Leave a Reply

Your email address will not be published. Required fields are marked *