TV APOLLON

bejme ate qe dime, dhe dime ate qe bejme

Kufomat e shtrira në dyshemenë e morgut, reagon zyrtarisht drejtori i IML: Pamjet janë të inskenuara dhe kriminale.

Instituti I Mjeksisë Ligjore

Pas fotove të publikuara ditën e sotme në media ku shiheshin trupat e viktimave nga COVID të shtrira në dyshemenë e morgut kanë krijuar reagim të madh në opinionin publik.

Për këto lajmë ka ardhur reagimi zyrtar nga drejtori i Institutit të Mjekësisë Ligjore, Bledar Xhemali, i cili shprehet se këto pamje janë të inskenuara dhe kriminale, duke kërkuar që fajtori të identifikohet dhe të vihet para drejtësisë.

Sipas tij, është e vërtetë që ka pamundësi për për t’i sistemuar denjësisht të gjitha kufomat në mjediset frigoriferike, por në këto raste kufomat vendosen në tavolina dhe në rastet kur ka shumë viktima vendosen edhe në dysheme së bashku me sendet e tyre personale.

Reagimi i Bledar Xhemalit:

Në emër të institucionit dhe të stafit tonë, shpreh indinjatën për inskenimin e bërë me fotografitë që janë nxjerrë në media nga mjediset e morgut!

Periudha që po jetojmë në punën tonë, ashtu si për të gjitha institucionet e ngjashme në spitalet e mbarë botës ka qenë tejet e mbingarkuar. Padyshim që morgu nuk bën asnjë përjashtim në pamundësinë për t’i sistemuar denjësisht të gjitha kufomat në mjediset frigoriferike në dispozicion, kur ka më shumë fatalitete.

Kur jemi në pamundësi, ato sistemohen në tavolina, më pas në barela dhe kur ndodh që të jenë më shumë, vendosen me respektin më të madh në dysheme bashkë me sendet vetjake të paketuara, pasi kryhen proceset përkatëse në pritje që t’u dorëzohen familjarëve. Por kurrsesi nuk është rrëmuja e paraqitur në fotot keqdashëse të shpërndara në media. Sendet personale që shoqërojnë trupat, janë veshjet e të ndjerëve, të cilat përbëjnë kujtime të çmuara për familjarët.

Edhe logjika më elementare të thotë se ky është thjesht dhe vetëm një inskenim! Është e dhimbshme deri në neveri, që autori i fotove është kujdesur të kryejë një shërbim të porositur për të nxitur panik dhe nxirë bluzat e bardha të institucionit. Ne kemi njoftuar institucionet eprore për këtë operacion keqdashës dhe kriminal në raport me publikun dhe shpresojmë që fajtori të identifikohet e të vihet para drejtësisë.

Leave a Reply

Your email address will not be published. Required fields are marked *

Mund t'ju interesoje