Covid-19 i merr jetën një tjetër mjeku, i shtruar prej një jave në Spitalin Infektiv


Mjeku Ferdinand Shkrepa është ndarë nga jeta paraditen e sotme, në moshën 68 vjeçare.

Mësohet se Shkrepa, me profesion mjek okulist në qytetin e Elbasanit, ka ndërruar jetë si pasojë e Covid-19. Prej më shumë se një jave mjeku elbasanlli ishte i shtruar në Spitalin Infektiv në gjendje të rëndë shëndetësore, ndërsa sot njoftohet se ai nuk e ka fituar dot betejën për jetën.

Ky lajm i trishtë e ka shtuar më tepër pikëllimin mes radhëve të mantelbardhëve, ku deri tani raportohet se 14 mjekë e doktorë e kanë humbur betejën me infeksionin.

Mjeku Ferdinand Shkrepa punonte më orar të reduktuar në Poliklinikën e Specialiteteve në Elbasan.

Leave a Reply

Your email address will not be published. Required fields are marked *